മുൻ മിസ് യൂണിവേഴ്സും ബോളിവുഡ് താരവുമായിരുന്ന സുസ്മിത സെന്നിന് 43 വയസുണ്ട്. എന്നാൽ സുസ്മിതയുടെ ബോയ്ഫ്രണ്ടും ഫാഷൻ മോഡലുമായ റോഹ്മാന് 29 വയസു മാത്രമാണ് പ്രായം. തങ്ങളുടെ പ്രണയ ബന്ധം തുടങ്ങിയ കാലത്ത് റോഹ്മാൻ തന്‍റെ പ്രായം മറച്ചു പിടിച്ചിരുന്നുവെന്ന് വെളിപ്പെടുത്തിയിരിക്കുകയാണ് സുസ്മിത സെൻ.
കാഴ്ചയിൽ വളരെ ചെറുപ്പമാണല്ലോ... സത്യത്തിൽ എത്ര വയസായി എന്ന് താൻ കൂടെക്കൂടെ ചോദിക്കുമായിരുന്നുവെങ്കിലും ഊഹിച്ചെടുക്കൂ എന്നായിരുന്നു അന്നൊക്കെ റോഹ്മാന്‍റെ മറുപടിയെന്ന് സുസ്മിത പറയുന്നു.
പിന്നീടാണ് റോഹ്മാന്‍റെ യഥാർഥ പ്രായം മനസിലാക്കുന്നത്. പക്ഷെ ഞങ്ങൾ തെരഞ്ഞെടുത്ത ബന്ധം അല്ല ഇത്. വിധി ഞങ്ങളെ തെരഞ്ഞെടുക്കുകയായിരുന്നു- സുസ്മിത പറയുന്നു.
ഒരു ഫാഷൻ ഷോയിൽ വെച്ചാണ് ഇരുവരും പരിചയപ്പെടുന്നത്. പരിചയം പിന്നീട് പ്രണയമാവുകയായിരുന്നു. റെനി, അലിഷ എന്നിങ്ങനെ രണ്ടു പെൺകുട്ടികളെ സുസ്മിത ദത്തെടുത്തിട്ടുണ്ട്.
